Өфөнөң Октябрь районы халҡы ла бөгөн иртәнге 9-ҙан өмәлә. Мәҫәлән, Николай Ковалев исемендәге скверҙа ҙур экологик акция бара.
Әйткәндәй, был сквер тиҙҙән бөтөнләй яңы статус аласаҡ – асыҡ һауа аҫтындағы махсуслаштырылған техника музейына әүереләсәк.
Өмәлә халыҡ бихисап. Улар араһында балалар ҙа күп. Иң бәләкәйҙәре – ете йәшлек Диана һәм биш йәшлек Радмир. Улар яратҡан скверын таҙартыуға ихласлап үҙ өлөшөн индерә.