Ер ҙә, күңелдәр ҙә яңы һулыш ала

Райондың һәр ауыл биләмәһендә әүҙем бара эш. Төрлө ойошма-учреждение хеҙмәткәрҙәре, юғары класс уҡыусылары ла өмәгә күпләп сыҡҡан. Барыһы ла сарала теләп ҡатнаша, кәйефтәре күтәренке.

– Көндөң аяҙ тороуы айырыуса һәйбәт, – ти өмәселәр. – Кемдер ҡороған ағас ботаҡтарын йыйһа, икенселәре ерҙе серегән япраҡтан таҙарта, бәғзеләр иремәй ятҡан ҡаты ҡарҙы тарата. Бер-берең менән аралашып, шаярып, мәрәкәләшеп йөрөгәс, эш ғәжәп тиҙ ырай. Тирә-яҡтың матурланып ҡалыуы күңелдәргә яңы һулыш, дәрт өҫтәй.

Әйткәндәй, районда экологик өмә киләһе шәмбелә лә дауам итәсәк.