Кәйеф көр икән – эш ырай

Бөгөн үткәрелгән дөйөм экологик өмәгә Бөрйән халҡы ла, республика етәксеһе Радий Хәбиров теләгәнсә, көр кәйеф менән сыҡты. Ә күңел күтәренке икән, эш тә ырай. Район үҙәгендә лә, ауыл биләмәләрендә лә өмә дәррәү үтте. Ташҡын алдынан айырыуса яр буйҙарын ныҡлы таҙартыуға иғтибар бүленде, ағастар араһында һаман да иремәй ятҡан туң ҡар киҫәктәре ҡырҡып таратылды, ботаҡтар йыйылды.

“Районда тәүге өмәләр гөрләп үтте, – тип яҙҙы хакимиәт башлығы Рөстәм Шәрипов социаль селтәрҙә. – Тирә-яҡты сүп-сарҙан таҙартыу, биләмәләрҙе тәртипкә килтереү ниәтендә сарала ихлас ҡатнашҡан барлыҡ коллективтарға, ауыл биләмәләренә рәхмәт белдерәм. Район халҡы үҙ ихаталарын, йорт-ҡура тирәһен дә шулай дәррәү тәртипкә килтерер тип ышанам”.