Партия ағзалары ла эштең уртаһында

Был хаҡта беҙгә партияның Әбйәлил районындағы бүлексәһе секретары Рәзинә Әғзәмова хәбәр итте:

– Иртәнге сәғәттәрҙән үк Асҡар урамдарында экологик өмәләр бара. Дәртле музыка аҫтында халыҡ тирә-яҡты сүп-сарҙан таҙарта, ҡояштан “йәшеренеп” ҡалған ҡар өйөмдәрен тарата.

“Берҙәм Рәсәй” партияһы ағзалары ла йыл һайын яҙғы һәм көҙгө өмәләрҙә әүҙем ҡатнашып, йәшәгән мөхитебеҙҙе матурлауға, төҙөкләндереүҙә үҙ өлөшөн индерә.

Бер юлы йыйылған ҡыйҙы “Асҡар” муниципаль унитар предприятиеһынан бирелгән машина һәм тракторҙарға тейәйбеҙ. Транспорттың бөгөнгө байрам уңайынан төрлө плакаттар менән биҙәлеүе лә сараға йәм өҫтәй. Халыҡтың кәйефе көр, күңеле күтәренке.