Бөтә яңылыҡтар
Йәмғиәт
12 Апрель 2019, 00:40

Апрель боҙона ышанма!

Бөгөн Ҡандракүлдә махсус хеҙмәттәр тарафынан тикшереү үткәрелеп, һыу объектында 90 самаһы балыҡсы булыуы асыҡланған.

Башҡортостан буйынса Ғәҙәттән тыш хәлдәр министрлығы матбуғат хеҙмәтенән.
Бөгөн Ҡандракүлдә махсус хеҙмәттәр тарафынан тикшереү үткәрелеп, һыу объектында 90 самаһы балыҡсы булыуы асыҡланған.
“Ә күлдең периметры буйынса боҙға сығыуҙы тыйған билдәләр ҡуйылған. Әле балыҡҡа йөрөү өсөн хәүефле мәл”, – тип белдерҙеләр Ғәҙәттән тыш хәлдәр министрлығы матбуғат хеҙмәтенән.
Ведомствонан иҫкәртеүҙәренсә, апрель боҙо – иң ышанысһыҙы. Ул беренсе ҡарашҡа ҡалын һымаҡ күренһә лә, ысынында ныҡ йомшаҡ, кешене күтәрә алмай. Һаҡ булайыҡ!