Быйылғы апрелдең һуңғы "бүләге"

Бөгөн көн болотло торор, көндөҙ бер аҙ ямғыр яуыр, айырым райондарҙа йәшен булыуы ихтимал. Ел көньяҡ-көнбайыштан 7-12 метр тиҙлектә иҫәсәк, урыны менән был күрһәткестең 18-23-кә етеүе бар. Көндөҙ 15-20 градус йылы, төньяҡ райондарҙа – 10 градус тирәһе.

Иртәгә, 29 апрелдә, төндә ҡар ҡатыш ямғыр яуыр, урыны менән көслө булыуы күҙаллана. Ҡайһы бер райондарҙа ул көндөҙ ҙә дауам итер. Ел төньяҡтан уртаса тиҙлектә, төндә көслө иҫәсәк. Һауа температураһы түбән булыр.

30 апрелдә төндә ҡар ҡатыш ямғыр көтөлә, көндөҙ яуым-төшөмһөҙ. Ел көньяҡ-көнбайыштан уртаса тиҙлектә иҫер. Һауа температураһы төндә 8 градусҡаса һалҡын, көндөҙ – 3-8 градус йылы.