Мортаза Рәхимовтың тыуған яғында

Мораҡта ул Зәйнәб Биишева исемендәге паркты ҡараны. Район хакимиәте башлығы Ғайса Янбаев әйтеүенсә, төҙөлөш былтыр майҙа “Уңайлы ҡала мөхите” маҡсатлы федераль программаға ярашлы башланған. Эш өсөн 2,4 миллион һум бюджет аҡсаһы ҡаралған. “Урал” фондының спонсорлыҡ ярҙамы 6,2 миллион һум тәшкил иткән. Дөйөм төҙөлөш эштәре былтыр башҡарылған.

“Балалар уйын майҙансыҡтары булдырыу тамамлана. Артабан спорт майҙансығы төҙөргә планлаштырабыҙ. Ошонда уҡ Күгәрсендән сыҡҡан Советтар Союзы һәм Рәсәй Геройҙары аллеялары булдырыласаҡ”, – тине Ғайса Янбаев.

Радий Хәбиров һүҙҙәренсә, ғаилә менән ял итеү, саф һауа һулау мөмкинлеген биргән ошондай төҙөк парктар һәр район үҙәгендә булырға тейеш.

Артабан республика етәксеһе урындағы халыҡ менән аралашты.

#ВладимирПутин#национальныепроекты#нацпроекты

#региональныепроекты#регпроекты#нацпроектыБашкортостан