Бөтә яңылыҡтар
Йәмғиәт
19 Май 2019, 16:58

Сибай баҙарында кемдәргә урын әҙерләнә?

Халҡыбыҙ шөғөлдәрен үҙ итеүселәр өсөн тиҙҙән Сибай баҙарында махсус зал асыласаҡ, тип хәбәр итә ҡала баҙары директоры Виктор Тюрин.

Фото Сибай ҡалаһы баҙары сайтынан.
Халҡыбыҙ шөғөлдәрен үҙ итеүселәр өсөн тиҙҙән Сибай баҙарында махсус зал асыласаҡ, тип хәбәр итә ҡала баҙары директоры Виктор Тюрин.
Бында ҡул оҫталарының төрлө әйберҙәре сығарыласаҡ. Һатыу урындары бушлай бирелә. Ҡатын-ҡыҙ биҙәүестәре эшләүселәр, сейлән, бәйләм, сигеү оҫталары, тормош-көнкүреш әйберҙәрен яһаусылар – уларҙың һәр береһенең үҙ хеҙмәт өлгөһөн тәҡдим итеү мөмкинлеге бар.
Халыҡ оҫталары, алтын ҡуллы һөнәрмәндәр һеҙҙе ял һайын Сибай ҡала баҙарында көтөп ҡалабыҙ!