+3 °С
Болотло
Бөтә яңылыҡтар
Йәмғиәт
22 Май 2019, 13:16
Борайҙа “Йәйғор” ҡалҡты
Борай ауылы уртаһында төҙөлгән был бинаға күптәр һоҡлана. Эштең ҡыҙыу барыуы, оҫталарҙың үҙ бурысына яуаплы ҡарауы ҡыуандыра бында йәшәүселәрҙе. “Республиканың 100 йыллығына – 100 объект” исемлегенә индерелгән “Йәйғор” балалар баҡсаһы ул.
Борай ауылы уртаһында төҙөлгән был бинаға күптәр һоҡлана. Эштең ҡыҙыу барыуы, оҫталарҙың үҙ бурысына яуаплы ҡарауы ҡыуандыра бында йәшәүселәрҙе. “Республиканың 100 йыллығына – 100 объект” исемлегенә индерелгән “Йәйғор” балалар баҡсаһы ул.
Сер түгел – һәр кем үҙ сабыйының матур, иркен, балҡып торған балалар баҡсаһына йөрөүен теләй. Шуға ла ҡайһы берәүҙәр яңы бинаның эсенә үк инеп, уның нисек буласағы менән ҡыҙыҡһына һәм бәхетле минуттарҙың тиҙерәк һуғыуын теләп, ҡыуанып сыға.
Ысынлап та, 95 урынға иҫәпләнгән балалар баҡсаһы бик күркәм һәм уңайлы буласаҡ. Райондың баш архитекторы Азат Фәзрахманов, төҙөлөш өсөн яуаплы прораб Фәнәүи Садиҡов менән беҙ ҙә бинаның эсенә үтәбеҙ.
– Былтыр йәй эшкә тотонғайныҡ, августа тапшырырға ниәтләйбеҙ, – ти Азат Рәмил улы. – Заманса материалдар ҡулландыҡ. Төҙөүселәр үҙ эшенә намыҫ менән ҡарай, тотҡарлыҡ юҡ. Күп кенә егеттәребеҙгә эш булды.
– Бында – тамаша залы, тегендә – йоҡо бүлмәһе, – Фәнәүи Садиҡов беҙҙе балалар баҡсаһы менән таныштырҙы.
Иркен бүлмәләрҙе күреп, бында тәрбиәләнәсәк сабыйҙар өсөн ҡыуанып ҡуйҙыҡ. “Йәйғор” тип аталған балалар баҡсаһы ауылдың бер йәме булһа, кескәйҙәргә лә, уларҙың атай-әсәйҙәренә лә сикһеҙ ҡыуаныс килтерәсәк ҙур бүләк ул.
Борай районы.
Читайте нас:
© 1917 - 2025 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43