Бөтә яңылыҡтар
Йәмғиәт
25 Май 2019, 00:49

15 июнгә тиклем өлгөрөп ҡал!

“Ғаилә һәм Рәсәйҙең киләсәге-2019” Бөтә Рәсәй конкурсы алтынсы тапҡыр уҙғарыла.

Фото: yandex.ru
“Ғаилә һәм Рәсәйҙең киләсәге-2019” Бөтә Рәсәй конкурсы алтынсы тапҡыр уҙғарыла.


Уның маҡсаты – киң мәғлүмәт сараларында ғаилә тематикаһын әүҙемләштереү, был тармаҡ хеҙмәткәрҙәрен дәртләндереү. Жюри, журналист эштәренән тыш, быйыл тәүге тапҡыр блогерҙарҙың материалдарын, журналистика факультеты студенттары һәм аспиранттарының ғилми хеҙмәттәрен баһалаясаҡ.


Конкурста федераль, төбәк, муниципаль һ.б. киң мәғлүмәт саралары журналистары, блогерҙар, профилле берләшмәләр, төркөмдәр мөхәррирҙәре, студенттар, аспиранттар ҡатнаша ала. Номинациялар: баҫма һәм интернет киң мәғлүмәт саралары, радио, телевидение, социаль медиа, ғилми эштәр.


Ғаризалар 15 июнгә тиклем ҡабул ителә. www.fap.ru сайтында 1 августа – ҡатнашыусыларҙың, 1 сентябрҙә финалсыларҙың исемлеге баҫылып сығасаҡ. Финалға сыҡҡандар Мәскәүгә бүләкләү тантанаһына саҡырыла. 23-26 октябрҙә улар өсөн өс көнлөк ғәмәли конференция ойошторола.


Финалға сыҡҡандар иҫәбенән 43 кеше лауреат исеменә лайыҡ буласаҡ.