Һаҡ булығыҙ: Өфөлә... бөкрө себен!

Ул республика биләмәһендә таралып китмәһен өсөн, сәскәләрҙең хужаһы был партияны тулыһынса юҡ итергә булған.

Бөкрө себен нимәһе менән ҡурҡыныс һуң? Был паразиттың ваба ауырыуы йоҡтороуы ихтимал. Ә ул сир эсәктәрҙе зарарлай, һөҙөмтәлә эс китә һәм ҡоҫтора. Хатта осраҡтың үлем менән тамамланыуы бар.

Бөжәк бик йәшәүсән, шуға күрә теләһә ҡайҙа үрсей ала. Уҡраһы башлыса емеш-еләк ҡабығында, сырҙа, ҡаҡланған балыҡта, онда йә сояла һаҡлана. Улары инде тирегә үтеп инеп, шунда күбәйеп, паразитар ауырыу – миаз тыуҙыра. Уңалмаған сей яралар, фурункулдар, күреү һәм ишетеү һәләте кәмеү, теш һыҙлауы, ашҡаҙан-эсәктәр ауыртыуы, күңел болғаныуы, ҡоҫоу, ҡан һауыуы, биҙгәк тотоуы – былар барыһы ла ошо йоғошло ауырыу эҙемтәләре булырға мөмкин.

Былтыр Рәсәйҙә бөкрө себен төрөк мандариндарында һәм лимондарында табыла. Үҙ-үҙеңде һаҡлау маҡсатында көньяҡтан килтерелгән һәр бер емеш-еләкте, йәшелсәне тикшереп һатып алырға кәрәк. Серектәренән, үтә ныҡ бешкәндәренән баш тартыуың яҡшыраҡ.