Ә һин урам буйынан емеш-еләк алаһыңмы?

Тауарҙарҙы һәм аҙыҡ-түлекте йөк машиналарынан, прицептарҙан, палаткаларҙан, юл ситендә һатыу – барыһы ла закон боҙоу тип иҫәпләнә.

Ленин районының сауҙа, йәмәғәт туҡланыуы һәм хеҙмәттәрҙе координациялау бүлеге хеҙмәткәрҙәре ошондай сауҙагәрҙәрҙе асыҡлау өсөн көн һайын рейдтар уҙғара. Кисә тикшереү барышында бындай сауҙа Ғафури урамында асыҡланған. Бүлек начальнигы Юлиә Камалова законһыҙ сауҙа нөктәһен юҡҡа сығарыу буйынса эш башҡарған.

Был ғәмәл ҡаланың имиджына һәм зауығына зыян килтерә, биләмәләрҙе сүпләй. Ә иң мөһиме – санитария нормалары үтәлмәй. Уларҙа рөхсәт тә, хәүефһеҙлекте дәлилләүсе санитар китаптар ҙа юҡ.

Тауарҙы ҡайҙан һатып алырға? Быны һәр кем үҙе хәл итә. Тик урам буйынан алып ҡулланылған аҙыҡ-түлек арҡаһында дауаханаға эләгеү мөмкинлеге тураһында онотмаһаҡ ине.