Киноларҙа күрһәтелеүенсә, бандиттар берәйһен үлтерһә, һыуға ташлар алдынан уның муйынына таш бәйләй. Был беҙгә лә килеп еттеме әллә?
Өфө янында Ағиҙел йылғаһынан хәбәрһеҙ юғалған 39 йәшлек баш ҡала кешеһенең кәүҙәһен табып сығарғандар. “Башҡортостан” дәүләт телерадиокомпанияһы хәбәр итеүенсә, һәләк булған ирҙең кейеменә кирбес тултырылған булған. Шулай уҡ ҡулына кирбес тулы пакет бәйләнгән.
Әле хәл тикшерелә. Судмедэкспертиза ирҙең нилектән үлгәнен асыҡларға тейеш.