Туристар Төркиәлә ниңә һәләк була?

Рәсәйҙең Анталиялағы Генконсулы Олег Рогоза белдереүенсә, быйыл Төркиәгә ял итергә килгән бер нисә тиҫтә туристың ғүмере сит илдә өҙөлгән. Сәбәбе - спиртлы эсемлектәр менән мауығыуҙа, дингеҙҙә үҙҙәрен ғәмһеҙ тотоуҙа, сәләмәтлектәренә иғтибарһыҙ булыуҙа.

Рәсәйҙәр сәфәргә сығыр алдынан һаулыҡтарын дөрөҫ баһаламай, айырыуса был өлкәндәргә ҡағыла, тигән Олег Рогоза. Хроник сирлеләрҙең хәле эҫелә киҫкенләшеү мөмкинлеген улар иҫәпкә алмай. Генконсул рәсәйҙәрҙе үҙ һаулыҡтарына иғтибарлыраҡ булырға, ваҡытында медицина ярҙамына мөрәжәғәт итергә саҡыра.