Йәшәү мөхитебеҙҙең йәмлелеге, күркәмлеге, иплелеге тик үҙебеҙгә бәйле.
Бына ошо хаҡта онотмай Ҡырмыҫҡалы районының Бишауыл-Уңғар халҡы. Урындағы ағинәйҙәр, ауыл клубы, китапхана хеҙмәткәрҙәре һәм тотош ауыл халҡы төрлө сараларҙа дәррәү ҡатнаша. Күптән түгел бында тирә-яҡ мөхитте таҙартыу маҡсатында экологик өмә ойошторҙолар.
Ауыл уртаһында урынлашҡан күл, зыярат эргәһе ипкә килтерелде. Өҫтәүенә яңғыҙ йәшәгән оло йәштәгеләрҙең йорт-ихатаһы эргәһе лә сүп-сарҙан таҙартылды.