Бөтә яңылыҡтар
Йәмғиәт
9 Август 2019, 20:45

Тутыҡҡан автомобилдең хаҡын ҡайтарған

Бындай ныҡыш ҡатындарҙан өлгө алырға булалыр, моғайын. Орелда йәшәүсе ҡатын бынан биш йыл элек аҡ төҫтәге Kia Rio автомобилен һатып ала.

Бындай ныҡыш ҡатындарҙан өлгө алырға булалыр, моғайын. Орелда йәшәүсе ҡатын бынан биш йыл элек аҡ төҫтәге Kia Rio автомобилен һатып ала.


Гарантия срогы – 60 ай. Әммә, водителдең әйтеүенсә, машина “сәскә ата” башлай. Ике йылдан түбәһе, багажник ишеге, алғы тәҙрәһенең уң һәм һул тотҡостары коррозия менән ҡаплана. Гарантияһы булғас, һис һүҙһеҙ автомобилде ремонтлайҙар. Бер йылдан шул уҡ етешһеҙлектәр ҡалҡып сыға. Дилер был юлы ла машинаны яңырта. 2018 йылда шул уҡ хәл – тутыҡ ҡабаттан күренә башлай.


Kia Pio автомобиле хужабикәһенең зитына тейә был эш. Ул машина һатып алыуға киткән аҡсаны, 2014 йылда түләнгән сумма менән яңы модель араһындағы хаҡтар айырмаһын түләүҙәрен талап итә. Машина етештереүселәр был тәҡдимде кире ҡаҡҡас, ҡатын судҡа мөрәжәғәт итә. Һөҙөмтәлә 1,5 миллион һумды кире ҡайтарырға мөмкин була. Был сумманың ярты миллионы - иҫке һәм яңы модель араһындағы хаҡтар айырмаһы. Өҫтәүенә суд мораль зыян өсөн компенсацияны ла түләткән.


Фото: Yandex.uz.