Күпселеге - ир-егеттәр

"Башҡортостан лидерҙары" проектының әле Өфөлә барған "Идара итеү кадрҙары-2020-2025" конкурсында ҡатнашыусыларҙың портреты билдәле булды: уларҙың уртаса йәше - 34, иң олоһона 45 йәш, конкурсанттарҙың 83 процентын ир-егеттәр тәшкил итә.

Ҡатнашыусыларҙың 12 проценты дәүләт хеҙмәтендә, һигеҙ проценты ҡаҙылма байлыҡтар сығарыу тармағында эшләй. Ошо ярымфиналға үткән 195 кешенең 75-е Өфөнән. Конкурстың маҡсаты - һәләтле кадрҙар эҙләү.

Еңеүселәр булып танылған 50 кеше дәүләт хеҙмәтендәге төрлө вазифаларға тәҡдим аласаҡ.