Баш ҡалала архитекторҙар осрашасаҡ

23 августа Өфөлә IX “Эко - Берег” Халыҡ-ара архитектура фестивале сиктәрендә Рәсәйҙең алдынғы ҡала төҙөү белгестәре, урбанистары фәнни-ғәмәли конференцияла ҡатнашасаҡ. Сара баш ҡаланың “Арт-КАДРАТ” ижади кластеры биләмәһендә үтәсәк.

Конференцияла Өфөнөң мәҙәни мираҫын заман шарттарында һаҡлап ҡалыу, транспорт системаһын камиллаштырыу проблемаларын тикшерәсәктәр, Өфө районының административ үҙәгенең генераль планын ҡараяасаҡтар. Рәсәйҙең билдәле архитекторҙары сығыш яһаясаҡ, ә конференцияның ғәмәли өлөшөндә Өфө миҫалында бәләкәй йылғаларҙы ҡала шарттарында ревитализациялау мәсьәләһе ҡараласаҡ, аҙ ҡатлы йорттар төҙөүҙең инновациялы юлдары барланасаҡ. Конференцияла экскурсиялар һәм спорт ярыштары ла ҡаралған. Барлыҡ мәғлүмәт менән сараның рәсми сайтында танышырға була. Унда ошо һылтанма буйынса алдан ғариза ҡалдырып, теркәлгән осраҡта ғына ҡатнашырға мөмкин: http://ecobereg.ru/registration/

“Эко-Берег” Мәскәү Архитекторҙары союзы тарафынан 2010 йылда ойошторолған. Ошо йылдар эсендә ойошма тарафынан ҡалаларҙың яр буйын тәртипкә килтереү буйынса һәм башҡа бик күп проекттар тормошҡа ашырылған.