Бәйгелә ҡатнашығыҙ

III “Рус цивилизацияһы” халыҡ-ара фотоконкурсы “Дәүләт милли сәйәсәтен тормошҡа ашырыу” дәүләт программаһына ярашлы үткәрелә. Конкурстың маҡсаты – граждандарҙың иғтибарын рус мәҙәниәте тамырҙарына һәм йолаларға йәлеп итеп, милләт-ара мөнәсәбәттәрҙе көйләү һәм Рәсәй халыҡтарының этномәҙәни үҫешен тәьмин итеү.

Конкурсҡа эштәрен һөнәри фотографтар ҙа, шулай уҡ 18 йәшкә тиклемге һәүәҫкәрҙәр ҙә ебәрә ала. Сара “Үҙенсәлекле тәбиғәт”, “Кешеләр һәм быуындар”, “Ҙур илдең йолалары”, “Архитектура һәм скульптура”, “Күп милләтле Мәскәү” кеүек номинациялар буйынса ойошторола. Эштәрҙә идеяның үҙенсәлеклелеге, художество кимәле һәм йөкмәткеһе, башҡарыу алымы һәм сифаты, фотоның конкурс номинацияһына һәм талаптарға яуап биреүе баһалана. Еңеүселәрҙе ҡиммәтле бүләктәр көтә.

Ғаризалар 8 сентябргә тиклем ҡабул ителә.