Элвин Грей әҙәм көлдөрә

Әлеге лә баяғы Элвин Грей инде. Татар дуҫтарыбыҙ унһыҙ бер нисек тә булдыра алмай. Был юлы ул бер төркөм артистар менән беренсе татар музыкаль комедияһына төшкән.

23 – 31 августа "Татарстан киноһы аҙналығы" үтә. Унда "Әпипә" фильмы ла күрһәтеләсәк. Оҙонлоғо – 95 минут. Ул Татарстандың беренсе музыкаль комедияһы. Кинокартина мөхәббәт, гастролдәр, ғәҙеллек, ҡыйыулыҡ тураһында. Ул киң ҡатлам тамашасыға йүнәлтелгән. Сәнғәт белгестәре көлкөгә бай фильмды бөтә халыҡ яратып ҡарар тип ышана, сөнки унда кем-кем башҡорт егете Радик Юлъяҡшин үҙе төшкән!