“Яҡтыкүл”гә юллама Ишембайға юлланды

Ғәлиә Камалетдин ҡыҙы – ауылдың абруйлы ветераны. Ул Башҡорт дәүләт педагогия университетында физика-математика факультетын тамамлап, Йәнырыҫ мәктәбендә хеҙмәт юлын башлай. Шулай итеп, Башҡортостан Респуб­ликаһының атҡаҙанған уҡытыу­сыһы бөтә ғүмерен балаларға белем биреүгә бағышлаған.

Ғәлиә Камалетдин ҡыҙы тормош иптәше Зәкәриә Нуриәхмәт улы менән дүрт балаға лайыҡлы тәрбиә биреп, уҡытып, ныҡлы тормош юлына аяҡ баҫтыр­ғандар.

Улар “Башҡортостан” гәзитен 1955 йылдан бирле алдыра. Ғәлиә апайға 87 йәш. Оло булыуына ҡарамаҫтан, ул үҙенең тормошон гәзитһеҙ күҙ алдына ла килтермәй.

Әйткәндәй, “Башҡортостан” гәзи­тен алдырыусылар иҫәбе буйынса Ишембай районы һуңғы йылдарҙа алдынғы урынды бер кемгә лә бирмәй.

Йәнырыҫ ауыл биләмәһендә лә оҙаҡ йылдар дауамында гәзит ал­дырған әүҙем уҡыусыларыбыҙ бар. “Башҡортостан” гәзите хеҙ­мәткәр­ҙәре Йәнырыҫҡа барғанда тоғро уҡыусыларыбыҙ Зәйнәп Бикбаеваға, Рәмил Маннановҡа рәхмәт хаттары тапшырҙы.

Ошондай дуҫта­рыбыҙ, гәзиткә яҙылыу­сы­лары­быҙ киләсәктә лә артһын, ә беҙ уларҙы матур бүләктәр менән ҡыуандырып то­рорбоҙ. Бергә булдыҡ, бергә ҡала­йыҡ!