Илештәргә кем тиңләшер?

Аяҙ көндәр игенселәргә урып-йыйыу эштәрен тиҙләтергә мөмкинлек бирҙе. Аҙна эсендә 400 мең гектар майҙандан иген һәм ҡуҙаҡлы культуралар һуғып алынған.

Ауыл хужалығы министрлығы мәғлүмәттәре буйынса, бөгөнгә бер миллион 384 мең тонна иген һуғып алынған. Был былтырғы осорға тиң. Уңыш гектарынан уртаса 20 центнер тәшкил итә.

Республикала ужым культуралары уңышын йыйыу тамамланып бара. Барлыҡ арыш, бойҙай, тритикале майҙандарының 95 проценты алынған. Ә бына яҙғы культураларҙы йыйыу ҡыҙа. Әлегә барлыҡ сәсеүлектәрҙең өстән бер өлөшө бураларға һалынған. Йыйылған иген күләме буйынса Илеш, Саҡмағош, Стәрлетамаҡ райондары иң алда бара. Улар 73 – 81 мең тонна ашлыҡ йыйған.