Мөхәббәткә ҡартлыҡ ҡамасауламай

Бер ҡараһаң, ғәжәп бер ни ҙә юҡ кеүек. Оло йәштәге ир менән ҡатын Өфөләге Иван Якутов исемендәге парктағы Һалдат күлендә кәмәлә рәхәтләнеп йөҙә. Бәхетле пар бер-береһенә ҡарата хис-тойғоһон үбешеү ярҙамында белдермәксе. Әммә аралар алыҫлығы ҡамасаулай... Тик мөхәббәт өсөн сиктәр юҡ.

Пенсионер һөйгәненә ынтылып, кәмәне саҡ ауҙарманы. Әлдә ауманы, тип һөйөнә мөхәббәтле ҡарттарҙы һоҡланып ситтән генә күҙәткәндәр. “Ғүмер аҙағына тиклем һөйгәнең менән бер кәмәлә йөҙөргә яҙһын” тигән теләк тә белдерә улар.