Ҡарбуз да, ҡауын да һынауҙы үтмәне

Хәл маҡтанырлыҡ түгел: уларҙа металдар, химик матдәләр миҡдары норманан күпкә артыҡ булыуы асыҡланған.

Белгестәр ҡабуз менән ҡауынды сәләмәтлеге яҡшынан булмаған кешеләргә ҡулланыу зыянлы тип иҫәпләй. Байтаҡ емеш-еләктәге фосфор, натрий, магний, калий, тимер элементтары миҡдарын тикшергәс, бары персикта ғына уларҙың нормаға ярашлы булыуы асыҡланған.

Белгестәрҙең раҫлауынса, быға климат шарттарының үҙгәреүе йәки пестицидтар ҡулланыуҙың йоғонто яһауы ихтимал.