Радик Юлъяҡшин ниңә шулай популяр?

Әйтеүенсә, тәүҙә ул фәҡәт гүзәл заттың иғтибарын яулаған. Әммә икенсе альбомын әҙерләгәндә егеттәр ҙә яратып тыңларлыҡ йырҙар өҫтәгән.

“Киләһе альбомды сығарҙым – аудиториямда ир-ат та барлыҡҡа килде. Унан инде мәғәнәле, хис-тойғоло, тормошсан йырҙарға иғтибарымды йүнәлттем. Был олораҡ аудиторияны ылыҡтырҙы. Һөҙөмтәлә минең концерттарға ғаилә менән дә киләләр һәм һәр кем үҙенә оҡшаған йырҙы таба. Был бик шәп”, – ти билдәле милләттәшебеҙ.

Ысынлап та, Радик Юлъяҡшин ҡайҙа ғына сығыш яһамаһын, ул меңәрләгән кешеләрҙе йыя, барыһы ла ижадынан ҡәнәғәт. Белеүебеҙсә, ул – башҡорт-татар эстрадаһында тәүге булып һигеҙ меңдән ашыу кешене һыйҙырған “Өфө-Арена”ла концерт ҡуйған ижадсы.