-4 °С
Облачно
Йәмғиәт
5 Ноября 2019, 18:39
Европала иң бейеге
Ул бөгөн тыуған көнөн билдәләй.
Фото: WIKIMEDIA.ORG
Бөгөн Останкино башняһының тыуған көнө икән. Күптәребеҙ уны һүрттәрҙән, зәңгәр экрандарҙан ғына күреп белә. Башня тураһында бер нисә ҡыҙыҡлы факт.
- Ул Октябрь революцияһының 50 йыллыҡ юбилейы айҡанлы, 1967 йылдың 5 ноябрендә төҙөлөп тапшырыла.
- Конструкторы – Мәскәү дәүләт университеты бинаһы һәм Волгоградтағы “Тыуған ил-әсә саҡыра!” монументы авторы Николай Никитин.
- Останкино – металл конструкцияларҙан түгел, ә тимер-бетондан төҙөлгән беренсе телевизион башня.
- Башняның тышҡы диаметры 74 метр, ауырлығы 55 мең тонна, бейеклеге 180 ҡатлы йортоң бейеклегенә тура килә, ә үҙе 45 ҡаттан тора.
- Башняны йылына 30-40 тапҡыр йәшен һуға.
- Ул – Европалағы иң бейек ҡоролма.
- Болотло көндә Останкино башняһы өҫтөнән бер нимә лә күреп булмай: уны тулыһынса аҡ пәрҙә ҡаплай.
- Башнялағы биналарҙың дөйөм майҙаны 70 мең квадрат метр тәшкил итә.
- 1998 йылғы көслө дауыл ваҡытында башняның осо 6 метрға шыла.
- Көслө ел ваҡытында унда булыусылар амплитудаһы 8 сантиметр булған бәүелеү тоя.
- 2000 йылда 460-сы метр бейеклектә янғын сыға. Фажиғәлә 3 кеше һәләк була. Баш ҡала халҡы бер нисә көн кабель каналдарын ғына ҡарай ала.