Борсолорғамы, әллә ҡыуанырғамы?

Башҡортостан техник культуралар, шул иҫәптән, көнбағыш үҫтереү буйынса алдынғылыҡты бирмәй. Әле республикабыҙҙың ҡайһы бер райондарында һуғылмай ҡалған көнбағыш баҫыуҙары бар икән, уңыш ҡар аҫтында ҡала тип борсолорға ярамай. Ғалимдар аңлатыуынса, әлегеләй үтә һыуыҡ булмаған көндәр көнбағышта май туплау өсөн уңайлы һанала.

- Ғәҙәттә, көнбағыш һуғыуҙы беренсе ҡар яуғандан һуң башлайҙар, - тип һөйләй агроном Ғәлиәхмәт Низамов. - Гектар көсө 28-30 центнерға хәтлем еткәне булды. Беҙҙә көнбағыш майы һығыу цехтары бар. Әйткәндәй, көнбағыштан майҙы һыуыҡлай һығыу кеше организмы өсөн ныҡ файҙалы.