Красноусолда – яңы балалар майҙансығы

Яңы йылдан һәр кем, бигерәк тә бәләкәстәр мөғжизә көтә.

Күркәм байрам айҡанлы Ғафури районының Красноусол ҡасабаһында йәшәгән малайҙар һәм ҡыҙҙар өсөн әкиәти майҙансыҡ асылды. Унда рәхәтләнеп уйнарға, дуҫтарың менән кинәнеп аралашырға мөмкин. Бөгөн иһә район үҙәгендә “Яңы йыл уйындары-2020” тигән бик матур сара үткәрелде. Унда спорт яратҡан, әүҙем, дәртле һәм тәүәккәл ғаиләләр ҡатнашты.

Иртәгә “Еҙем” физкультура-сәләмәтләндереү комплексында – армспорт, Н. Мәжитов исемендәге Красноусол башҡорт гимназия-интернатында шахмат буйынса ярыштар үтәсәк. 6 ғинуарҙа иһә районда мини-футбол, баскетбол, 7 ғинуарҙа – саңғыла шыуыу, волейбол, 8 ғинуарҙа – спорт туризмы, баскетбол, 9 ғинуарҙа – көрәш, 10 ғинуарҙа – саңғы, 11 ғинуарҙа мини-футбол буйынса ярыштар ойоштороласаҡ. Бына шулай Ғафури районында бик әүҙем, дәртле халыҡ йәшәй!

Фото: vk.com.tabingazite.