“Алло, айырым автомобиль кәрәк”

– Һөнәрем – механик, әммә яҙмыш ҡушыуы буйынса пассажирҙар ташыйым, – тип һөйләй яҡташым. – Күп осраҡта “Өфө–Сибай”, “Өфө–Баймаҡ”, “Өфө–Магнитогорск” маршрутын хеҙмәтләндерәм. Әлбиттә, төрлө заказдар осрай, ҡайһы саҡта тотош республикабыҙ буйынса ла йөрөргә тура килә. Шуға иғтибар иттем, бер ҡасан да яңғыҙ түгелмен, улай ғына ла түгел, ҡыҙыҡлы әңгәмәселәр осраһа, юл да ҡыҫҡара, күңел дә күтәрелә.