+14 °С
Облачно
Йәмғиәт
14 Января 2020, 13:30
"Минең дә ҡайғы ҙур"
Былтыр ғына алған бүрегемде көйә ашаған да ҡуйған.
Ғафури районында була был хәл. Район үҙәгендә күптән күрешмәгән ике ҡатын осраша ла бер-береһенең хәл-әхүәлдәре менән ҡыҙыҡһына башлай.
– Ҡуй инде, ҡуй, ирем үлеп ҡалды бит, – тип күҙ йәштәрен һөртөп ала тәүгеһе. Ҡырҡ йыл бергә йәшәгәйнек. Эсеп тәҡәтемде ҡоротҡан ваҡытта, исмаһам, дөмөкмәй ҙә бит әле, тиһәм дә, бабайһыҙ ҡыйын икән. Ҡола яландай өйҙә бер үҙем торҙом да ҡалдым. Шылт иткән тауыш та юҡ. Нисек йәшәрмен инде! Хыялыйға әйләнмәһәм ярай ҙа ул. Ә үҙеңдең хәлдәр нисек?
– Минең дә ҡайғым ҙур. Былтыр ғына алған бүрегемде көйә ашаған да ҡуйған. Бигерәк әрәм инде. Шуға бер ултырып иланым әле, – тип яуаплай икенсеһе.
Фото:uptreehr.ca
