Зөлфиәнең үлемендә кем ғәйепле?

Вафат булған ҡатындың ғаиләһе Александр Бастрыкинды тикшереү эшен контролгә алыуҙы һораған.

Башҡортостандың Тәфтиш комитеты Зөлфиә Мырҙабаеваның Бөрйән районында "Ашығыс ярҙам" хеҙмәте машинаһында вафат булыу осрағы буйынса енәйәт эше асҡан. Был ваҡиға 2018 йылдың аҙағында була. Миокард инфаркты кисергән ҡатын "Ашығыс ярҙам" машинаһында Белорет үҙәк дауаханаһына илткәндә вафат була.

Зөлфиәнең яҡындары йыл буйына ғәҙеллек өсөн көрәшә, фельдшерҙарға бары шелтә биреү менән генә сикләнеүҙәренә риза түгел. Әле енәйәт эшен һаҡһыҙлыҡ буйынса үлемгә килтереү статьяһы буйынса асҡандар.

- Медицина ярҙамы күрһәткәндә ебәрелгән кәмселектәрҙе асыҡлау өсөн комплекслы суд-медицина экспертизаһы тәғәйенләнгән, хәлде тулыһынса тикшереү өсөн өҫтәмә документтар талап ителгән, медицина персоналы һәм башҡа шаһиттарҙан һорау алыу ойошторола, - тип хәбәр иттеләр Тәфтиш комитетында.

Зөлфиәнең улы Динис Рәсәй Тәфтиш комитеты рәйесенән тикшереү эшен үҙенең шәхси контроленә алыуҙы һораған. Егет - үҙе лә "Ашығыс ярҙам" хеҙмәте фельдшеры. Өҫтәүенә ғаиләлә уның церебраль фалижға дусар ҡустыһы булыуы, шул арҡала атаһының эшкә сыға алмауы тормоштарын ныҡ ҡатмарландырған, тип хәбәр итә Ufа1.ru порталы.

Фото: Ufa.ru

Читайте нас

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.

Об использовании персональных данных

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.

Баш мөхәррир

Исхаҡов Вәдүт Ғәйфулла улы

Электрон почта

bashkortostan.gazeta@mail.ru

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)272-62-61

Ҡабул итеү бүлмәһе

8(347)272-05-43

Хеҙмәттәшлек

8(347) 273-83-92

Кадрҙар бүлеге

8(347)272-05-43