Йәмғиәт
13 Февраля 2020, 20:25

"Миңә шунда уҡ килде, күҙҙәремә ҡараны"

Хәйбулла районы хакимиәте башлығы Рөстәм Шәрипов халыҡтан нимәгә иғтибар итеүҙәрен һораны?

Хәйбулла район хакимиәте башлығы Рөстәм Шәриповтың ғаиләһендә дүрт аяҡлы дуҫы барлыҡҡа килгән: етәксе берәҙәк эттәр тотолған вольерҙан көсөк алып ҡайтҡан.

"Ул нисектер миңә шунда уҡ килде, күҙҙәремә ҡараны. Шулай итеп, яңы дуҫымды таптым. Берәҙәк эттәрҙе аулау - беҙҙең район өсөн көнүҙәк мәсьәлә. Улар юҡтан килеп сыҡмай. Ташланған йорт хайуандары улар. Кешенең яуапһыҙлығы һөҙөмтәһе. Беҙ эттәрҙең бәләкәй дуҫтарыбыҙ икәнлеген онотмаҫҡа тейешбеҙ", - тип яҙҙы социаль селтәрҙәге сәхифәһендә район етәксеһе һәм хәйбуллаларҙан эттәрен бәйҙә тотоуын, уларҙы һаҡлауын, был бурысына яуаплы ҡарауын һораны.

Фотолар Р. Шәриповтың "Бәйләнештә"ге сәхифәһенән.
Читайте нас