+19 °С
Болотло
Йәмғиәт
17 Февраль 2020, 16:45
Ришат Төхвәтуллин менән Әлиә Ҡарасурина бергәме?
"Мин, ниңәлер, шулай булыр тип уйлағайным инде..."
Йәш йырсы Әлиә Ҡарасурина Инстаграмдағы уҡыусыларын бер ваҡытта ла онотмай, улар яуҙырған һорауҙарға һәр саҡ яуап бирә. Ә күптәрҙе уның Ришат Төхвәтуллин менән мөнәсәбәте ҡыҙыҡһындыра.
"Инстаграм, "Бәйләнештә"ге биттәрегеҙҙе үҙегеҙ алып бараһығыҙмы, әллә айырым кеше бармы?" тигән һорауға Әлиә: "Үҙем генә", - тип яуап биргән.
- Һеҙ Ришат Төхвәтуллин менән бергәме?
- Юҡ, тынысланһағыҙ ҙа була.
- Ришат менән никах булған тиҙәр, шулаймы?
- Юҡ.
- Һеҙ нишләп Ришат менән бергә түгел, бер-берегеҙҙе тулыландырып тораһығыҙ бит.
- Тормошта беҙ уйлағанса ғына булмай шул.
- Ысын дуҫтарың күпме?
- Күп түгел.
- Бөтә һорауҙар ҙа Ришат тураһында икән бында.
- Ниңәлер мин шулай булыр тип уйлағайным инде.
- Айгөл Төхвәтуллина һеҙҙең яҡын дуҫығыҙмы?
- Эйе.
- Миңә һеҙ нисектер уҫал кеүек тойолаһығыҙ.
- Барыһы ла кәйефемдән тора. Ә былай мин бер ҙә уҫал түгел.
- Урамда таныйҙармы?
- Былай магазинда биҙәнмәһәм дә таныйҙар.
- Ришат концертта һеҙҙең хаҡта һорау биргәс, ул, беҙ бергә, тип яуап бирҙе.
- Ул концертта бер ҡасан да ундай һүҙҙәр һөйләмәне...
Әлиәгә уңыштар теләйек. Ришат менәнме ул, түгелме - барыһы ла яҡшы булһын, ижади ҡаҙаныштар юлдаш булһын!
Фото: Инстаграм.
