33 кеше эвакуацияланһа ла...

Янғынға ҡаршы даими иҫкәртеү эштәре алып барылыуға ҡарамаҫтан, республикала ут сығыу осраҡтары кәмемәй.

Кисә Нефтекама фажиғәһендә йәнә кеше ғүмере өҙөлгән. Ҡаланың биш ҡатлы күп фатирлы йортонда сыҡҡан янғынды һүндереүгә 3 берәмек техника, 6 хеҙмәткәр, башҡа ашығыс хеҙмәттәр йүнәлтелгән. Янғын һүндереүселәр ике бүлмәле фатирҙа ут сығыуын асыҡлай.

“Кеше ғүмеренә ҡурҡыныс янаған урындан 33 кеше, шул иҫәптән 7 бала эвакуацияланған. Зыян күреүсе 67 йәшлек ҡатын ҡала дауаханаһына йүнәлтелгән. Ҡыҙғанысҡа ҡаршы, ул табибтар ҡулында йән биргән”, - тип хәбәр итәләр БР буйынса Ғәҙәттән тыш хәлдәр министрлығының матбуғат хеҙмәтенән.

Янғында, шулай уҡ, йорт милке зыян күргән. Фажиғәнең сәбәптәрен асыҡлау буйынса тикшереү бара.

Фото: БР буйынса Ғәҙәттән тыш хәлдәр министрлығынан.