+16 °С
Облачно
Йәмғиәт
6 Марта 2020, 10:14
Донъяға – сабый күҙе менән
Бәхетле булыу өсөн күп кәрәкме? Юҡ. Иң ауыр мәлдә лә ҡатын-ҡыҙ булып ҡалырға өндәй һәм өйрәтә белгестәр.
Бәхетле булыу өсөн күп кәрәкме? Юҡ. Иң ауыр мәлдә лә ҡатын-ҡыҙ булып ҡалырға өндәй һәм өйрәтә белгестәр.
Тышҡы ҡиәфәт аҫыл зат өсөн бик мөһим. “Ирҙәр күҙҙәре менән ярата”, тигәнде ишеткәнегеҙ барҙыр. Һеҙҙең матур йөҙ-ҡиәфәтегеҙ – визит карточкаһы ул, шулай булғас, тәнегеҙҙе яратығыҙ, сәләмәтлегегеҙҙе һаҡлағыҙ.
Рухи яҡтан да, физик йәһәттән дә камиллашығыҙ. Донъянан артта ҡалмағыҙ, күберәк уҡығыҙ, спорт менән шөғөлләнегеҙ. Аш-һыу оҫталығына өйҙә ултырып та өйрәнергә мөмкин.
Һәр кемдең тормошонда ҡара һәм аҡ һыҙаттар була. Күңелһеҙ хәлдән арынырға, яҡындарығыҙҙы ғәфү итергә өйрәнегеҙ. Иң мөһиме – үҙегеҙҙе яратығыҙ! Шул саҡта кешеләр һеҙгә тартылыр, һәр яҡтан да килгән тыйнаҡ, гармониялы шәхесте улар йөрәге менән тоя.
Үҙ-үҙеңә бикләнеү төшөнкөлөккә килтерә. Тирә-яғығыҙға сабый күҙҙәре менән бағығыҙ, һәр атҡан таңға ҡыуанығыҙ, миҙгелдәге һәр үҙгәрешкә һоҡланығыҙ. Март – яҙғы ай, тимәк, алда беҙҙе йылы, ҡыуаныслы көндәр көтә.
Фото: pixabay.com
