+29 °С
Облачно
Йәмғиәт
11 Марта 2020, 06:45
Аҙашҡан. Һеҙҙең танышығыҙ түгелме?
“Лиза Алерт” эҙәрмәндәре ҡала уртаһында аҙашҡан пенсионерҙың туғандарын, яҡындарын эҙләй.
Өфө урамдарының береһендә аҙашып арып бөткән 70 йәшлек ҡатын табылған. Оло кеше үҙенең исем-атын Гөлсара Муллабаева тип атай.
“Лиза Алерт” эҙәрмәндәре ҡала уртаһында юғалған пенсионерҙың туғандарын, яҡындарын эҙләй. Ҡатындың медицина ярҙамына мохтажлығы билдәле, тип хәбәр итә "Горобзор.ру". Хәтере тарҡау, ҡайҙан килеүен иҫләмәй.
Айырым билдәләре: уртаса кәүҙәле, буйы 160 сантиметр, сал сәсле, ҡуңыр күҙле. Күкһел оҙон куртка, ҡыҙыл-көрән төҫтәге халат кейгән, аяҡтарында галуш, башында йәшел яулығы бар. Белеүселәр булһа, мотлаҡ ошо телефондарға шылтыратығыҙ: 8-800-700-54-52 йәиһә 8-917-798-23-88.
Фото:Лиза Алерт.