+15 °С
Облачно
Йәмғиәт
11 Марта 2020, 18:21
Үҙе эскесе үгәй әсәй янында үҫкән...
Балаһын мунсала табып, шунда ҡалдырған һәм биш көндән һуң ғына дауаханаға мөрәжәғәт иткән ҡатын тураһында яҙғайныҡ. Баҡһаң, ул...
Тәтешле районында мунсала бала тапҡан һәм, сабыйҙы шунда ҡалдырып, биш көндән һуң ғына дауаханаға мөрәжәғәт иткән ҡатын тураһында яҙғайныҡ. Бәпәйе инде үлгән булған.
ProUfu порталы хәбәр итеүенсә, ҡатын үҙе бәләкәйҙән әсәйһеҙ ҡала. Атаһы ғаиләгә икенсе ҡатын алып килә, уныһы эскесе булып, кәйеф-сафа ҡороп йәшәргә ярата. Аҙаҡ уларҙан сығып китә. Шунан бирле әлеге ҡатын дүрт йәшлек ҡыҙы һәм атаһы менән бергә йәшәй, кейәүгә сыҡмаған.
Ғаилә ҡәҙимге тормош алып бара, магазинда эшләй. Таныштары уны тик ыңғай яҡтан ҡылыҡһырлай: үлтереүгә бара торған кеше түгел, был хәл осраҡлы килеп сыҡҡандыр, тиҙәр.
Ни тиһәң дә, тыуып та өлгөрмәҫтән донъя менән хушлашҡан сабый бигерәк йәл.
Әле тәфтиш комитеты фажиғә сәбәптәрен тикшерә, һөҙөмтәләр буйынса тейешле ҡарар сығарылыр.
Фото: Новости Уфы и РБ.
