Энтузиастар урамы яңы төҫ ала

1 – 17 майҙа Өфөләге Энтузиастар урамының бер өлөшөндә (Рудольф Нуриев урамы менән киҫешкән ерҙә) автотранспорттың өс һыҙаттан хәрәкәте ваҡытлыса сикләнә. Унда яуым-төшөм канализацияһын коллекторға тоташтырыу эштәре башҡарыла.

Өфөләрҙе һәм баш ҡала ҡунаҡтарын ваҡытлыса уңайһыҙлыҡтарҙы аңлап ҡабул итеүҙе үтенәләр, маршрутты алдан планлаштырырға кәңәш итәләр.

Мәғлүм булыуынса, “Торлаҡ һәм ҡала мөхите” милли проектының “Торлаҡ” төбәк проектына ярашлы, 2019 йылда Рудольф Нуриев урамының Салауат Юлаев проспектынан алып Академик Заварицкий урамына тиклемге участкаһында төҙөлөш барҙы. Быйыл да эш дауам итә. Подряд ойошмаһы тротуарҙарҙы, велосипед юлдарын төҙөкләндереү, автомобиль юлы янындағы биләмәләрҙе йәшелләндереү менән шөғөлләнәсәк. Эште 2020 йылдың икенсе кварталында тамамлау күҙаллана.

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан

Фото: ufacity.info