+21 °С
Болотло
Йәмғиәт
29 Май 2020, 07:19
“Һағынғанда, фотоларға ҡарайым...”
Беҙҙең фотобәйгелә уҡытыусылар айырыуса әүҙем. Һәр яҡлап үҫешергә тырышҡан, уҡыусылары менән төрлө иҫтәлекле урындарға сәйәхәт ҡылырға яратҡан педагогтар ҡулында йыш ҡына фотокамера була. Бөгөн тәҡдим итәсәк ижади эштәрҙе лә башланғыс кластар уҡытыусыһы булып эшләгән Миңһылыу Шәмсетдинова ебәргән.
Беҙҙең фотобәйгелә уҡытыусылар айырыуса әүҙем. Һәр яҡлап үҫешергә тырышҡан, уҡыусылары менән төрлө иҫтәлекле урындарға сәйәхәт ҡылырға яратҡан педагогтар ҡулында йыш ҡына фотокамера була. Бөгөн тәҡдим итәсәк ижади эштәрҙе лә башланғыс кластар уҡытыусыһы булып эшләгән Миңһылыу Шәмсетдинова ебәргән.
Ул сығышы менән Баймаҡ районының Ишей ауылынан. Әле Стәрлетамаҡ районының Оло Ҡуғанаҡ ауылында йәшәй. Ошо ауыл мәктәбендә бәләкәстәргә белем бирә.
– Был фотоһүрәттәрҙе тыуған яғыма ҡунаҡҡа ҡайтҡанда, тәбиғәттең матурлығына һоҡланып, иҫтәлеккә төшөрөп алғайным. Уларҙа Ишей ауылының һәм Ирәндектең хозур матурлығы сағылдырылған. Яҙмыш ҡушыуы буйынса йәшәгән урынымды үҙгәртһәм дә, барыбер һағынам. Фотоларға ҡараһам, тыуып үҫкән еремә ҡайтып әйләнгән кеүек тоям үҙемде. Бигерәк матур шул Башҡортостаныбыҙ, – тип яҙа ул беҙгә.
Дуҫтар, һеҙ ҙә бәйгенән ситтә ҡалмағыҙ! Бер нисә матур фотоһүрәтегеҙҙе alfia.85@bk.ru йәки bashkortostan.gazeta@mail.ru электрон адрестарына “Йәшәйеш – ул үҙе бер миҙгел!..” фотоконкурсына” тип ебәреүегеҙ һорала. Шарттар буйынса, һеҙҙән хозур тәбиғәт күренештәре, замандаштар, йәнлектәр, төрлө мәлдәр сағылдырылған матур, йәнле ижади эштәр көтәбеҙ. Шулай уҡ автор тураһында ҙур булмаған мәғлүмәт тә булһын. Еңеүсе авторға бүләк тапшырыласаҡ.
