+13 °С
Облачно
Йәмғиәт
19 Июня 2020, 18:15
Полиция органдарында хеҙмәт итергә теләһәң...
Әле бер нисә вазифаға урындар бар, 18 - 40 йәшлек граждандар саҡырыла. Тулы мәғлүмәт - яҙмала.
Бөгөн полиция органдарында хеҙмәт итергә теләгәндәргә уңайлы мөмкинлектәр бар. Рәсәй Эске эштәр министрлығының Өфө ҡалаһы буйынса идаралығындағы 7-се полиция бүлеге (баш ҡаланың Совет районы) шәхси һәм эшлекле сифаттарға эйә, һаулығы, физик әҙерлеге буйынса хеҙмәт бурыстарын үтәй алырлыҡ 18 - 40 йәшлек граждандарҙы эске эштәр органдарына хеҙмәткә саҡыра.
Һис шикһеҙ, бындай мөмкинлекте ҡулдан ысҡындырмаҫҡа кәрәк.
Әле полиция хеҙмәткәре (водитель), полицияның участка инспекторы (ОУУП һәм ПДН), тәфтиш бүлеге тикшереүсеһе, биләмәләге енәйәттәрҙе тикшереү бүлеге тикшереүсеһе вазифаларына урындар бар.
Рәсәй Ҡораллы Көстәрендә хеҙмәт иткән, сәләмәтлеге яғынан яраҡлы, водитель таныҡлығы булған, хөкөмгә тарттырылмаған, административ хоҡуҡ боҙоу осраҡтарына тарымаған граждандар эшкә ҡабул ителә.
Участка инспекторы, полиция хеҙмәткәре (водитель) өсөн - юғары, урта махсус, тулы урта белем, дознаватель һәм тикшереүсе өсөн юғары юридик белем булыуы мотлаҡ.
Хеҙмәткә алынғандарға түбәндәге социаль гарантиялар бар: тотороҡло, лайыҡлы хеҙмәт хаҡы, йыллыҡ түләүле отпуск һәм өҫтәмә ял, Рәсәй эске эштәр системаһында шифахана-курорт дауалауы, форма менән тәьмин ителеү, түләүһеҙ медицина хеҙмәтләндереүе, Өфө юридик институтына түләүһеҙ уҡырға инеү мөмкинлеге. Хеҙмәткәрҙәр һәм уларҙың ғаилә ағзалары өсөн Рәсәй биләмәһендә ял урынына түләүһеҙ барыу, торлаҡты ҡуртымға алған өсөн аҡсалата компенсация ҡаралған.
Кем дә кем яҙмышын полиция органдары менән бәйләргә теләй, Өфө ҡалаһы, Һ. Дәүләтшина урамы, 4 ("Аграр университет" туҡталышы) адресы буйынса мөрәжәғәт итә ала. 8-917-440-01-08 телефон номеры буйынса Валерий Зәки улы Ғәлимов ҡабул итә.
Фото: 2018.miasskiy.ru