+15 °С
Облачно
Йәмғиәт
13 Августа 2020, 20:30
Педофил тотолған...
Свердловск өлкә суды Белорет ҡалаһында тыуып-үҫкән 24 йәшлек Русланды 15 йылға төрмәгә оҙатты.
Ошо көндәрҙә Свердловск өлкә суды Белорет ҡалаһында тыуып-үҫкән 24 йәшлек Русланды 15 йылға төрмәгә оҙатты.
Яҡашыбыҙҙы педофилия менән бәйле 50-нән ашыу эпизодта ғәйепләйҙәр.
Хоҡуҡ һаҡсылары енәйәтте осраҡлы рәүештә генә асыҡлай ала - 2018 йылда ғәйепләнеүсенең машинаһын ҡала ситендә инспекторҙар туҡтата. Автомобиль салонының артҡы ултырғысында хоҡуҡ һаҡсылары 13 йәшлек шәрә малайға юлығалар.
Аҙаҡ үҫмерҙең интим һүрәте Русландың кеҫә телефонында һаҡланған һигеҙ ҡорбандың береһе икәнлеге асыҡлана. Педофил малайҙар менән социаль селтәрҙәрҙә таныша, аралаша, ышаныстарына инә, осрашыуға саҡыра. Ҡайһы бер йәш "дуҫтарын" үҙ фатирына ла саҡыра. Зыян күреүселәр араһында - Белорет, Нефтекама, Краснодар, Ҡазан һәм Каменск-Уральск балалары бар.
Енәйәт эшенең өстән бере балалар порнографияһын таратыуҙа ғәйепләүҙәр булған. Яҡташыбыҙ роликтарҙы АКШ-тың ҡара базарына һатып аҡса эшләгән. Алынған аҡсаға ул малайҙарға ҡиммәтле кейем-һалым һатып алған.
Русланға 20 йылға тиклем ҡаты режимлы колония янай.
"Үҙенең балаларға булған "мөхәббәтен" ул бала саҡта уны ир-ат мәсхәрәләүе менән аңлатҡан, ләкин ул ирҙе тота алмағандар, - тип һөйләгән ғәйепләнеүсенең адвокаты. - Эштә барлығы һигеҙ зыян күреүсе бар, уларҙың өсәүһе менән генә осрашҡан".
Судта Руслан ғәйебен таныған, ул 15 йыл да 6 ай ғүмерен колонияла үткәрәсәк.
Фото:Ranak.me
