Бер кем дә газ ҡулланманы

Бөгөн ҡайһы бер матбуғат сараларында һәм социаль селтәрҙәрҙә бер нисә тапҡыр Ҡуштау тауы янында ОМОН һәм Росгвардия хеҙмәткәрҙәре тауҙы яҡлаусыларға ҡаршы газ ҡулланды тигән хәбәр таралды. Ведомствоның матбуғат хеҙмәтендә был мәғлүмәтте инҡар иттеләр.

“Росгвардия хеҙмәткәрҙәре хоҡуҡ һаҡлау органдарына йәмәғәт хәүефһеҙлеген тәьмин итеүҙә ярҙам күрһәтте, улар күп кешеләр ҡатнашҡан низағ һәм тәртип боҙоу булмаһын тип тырышты, тик закон сиктәрендә эш итте. Бер ниндәй ҙә махсус саралар ҡулланылманы. Ведомство хеҙмәткәрҙәре күҙ йәше сығара торған газ һәм айырыуса яҡтылыҡ-тауыш гранаталары файҙаланды тигән мәғлүмәт дөрөҫлөккә тура килмәй”, – тинеләр Росгвардияның матбуғат хеҙмәтендә.

Фото: Башинформ.