+21 °С
Болотло
Йәмғиәт
18 Сентябрь 2020, 17:00
"Машинамды урланылар!"
Егет кешегә былай тип алдау ни өсөн кәрәк булған?
Ҡайһы саҡта ололар ҙа үҙҙәрен бала сағалай тота. Түбәндәге бәйән ителәсәк хәл тап шуны иҫбатлай.
Стәрлетамаҡта 25 йәшлек егет, яуаплылыҡтан ҡасып, машинамды урланылар, тип полицияға хәбәр итә. Башҡортостан Прокуратураһы мәғлүмәттәренән билдәле булыуынса, асылда ул быйыл март айында ВАЗ-21101 автомобилендә кешенең машинаһын сыйып үткән. Әммә туҡтап, водитель менән аңлашып килешеү урынына, һыпыртыу яғын ҡараған. Ул ғына ла түгел, яуаплылыҡтан ҡасыу өсөн машинаһын сит йорттар ихатаһында ҡалдырып киткән. Ә инде өйгә ҡайтҡас, ”тимер ат”ымды урланылар тип полицияға хәбәр иткән.
Әммә бар алдашыуҙар ҙа иртәме-һуңмы фашлана, дөрөҫлөк өҫкә сыға. Әлеге мәлдә барыһы ла асыҡланып, егет ғәйебен таныған. Һөҙөмтәлә енәйәт эше Стәрлетамаҡ ҡала судына йүнәлтелгән.
Фото: pixabay.com
