Бурлыҡтың аҙағы... хурлыҡ

Өфө янындағы етештереү базаларының береһендә ике ир экскаватор урлай. Һуңғараҡ уларҙы Ленинград өлкәһендә табалар.

"Росгвардия"ның матбуғат хеҙмәте белдереүенсә, 42 йәшлек был ирҙәр Ленинград һәм Воронеж өлкәһенән килеп, Өфө ҡалаһы янындағы етештереү базаһын һәм экскаваторҙы ҡуртымға ала. Йәнәһе лә, тирә-яҡ мөхитте, биләмәне йәшәү өсөн уңайлыраҡ итеү маҡсатында эштәр башҡаралар. Көндәрҙән-бер көн водителдең ялға киткәнен көтөп, ирҙәр ҡуртымға алынған дүрт миллионлыҡ экскаваторҙы махсус йөк ташығысҡа тейәп, икенсе төбәккә һыпырталар.

Росгвардия, СОБР ярҙамында полиция хеҙмәткәрҙәре уларҙың эҙҙәренә тиҙ төшә – бурҙар Ленинград өлкәһенә барып еткән була. Хәҙер инде уларға закон алдында яуап бирергә тура киләсәк - был факт буйынса енәйәт эше асылған.

Фото асыҡ сығанаҡтарҙан.