+21 °С
Болотло
Йәмғиәт
26 Сентябрь 2020, 06:30
Баймаҡ егете ҡоллоҡта булған...
II төркөм инвалиды Илгиз Ҡунаҡҡужиндың туғандары һөйләгән хәбәр ҡот осҡос.
23 августа юғалған 23 йәшлек Баймаҡ егете тураһында бер ниндәй хәбәр юҡ ине. Ә 25 сентябрҙә “Лиза Алерт” төбәк бүлексәһе ирекмәндәре уны - Илгиз Ҡунаҡҡужинды эҙләүҙең туҡтатылыуы хаҡында белдерҙе.
23 августан алып егет өйөнә ҡайтмаған ине. Өҫтәүенә уның II төркөм инвалид һәм медицина ярҙамына мохтаж булыуы барыһын да борсоуға һалғайны. 25 сентябрҙә Илгиз табылған. Шуныһы ҡыуаныслы: ул иҫән-һау.
Әммә ғаиләһе белдергән хәбәр ҡот осҡос: егетте ҡоллоҡта тотҡандар. “Уны бынан 200 километр алыҫлыҡҡа, Силәбе өлкәһенә, алып киткәндәр. Үҙҙәренә йәлеп иткәндәр, һарайҙа тотҡандар, эште тамамламайынса, бер ҡайҙа ла ебәрмәйәсәкбеҙ, тип әйткән ситтән килгән кешеләр. Улар махсус рәүештә килә лә, ошондай кешеләрҙе алып китә”, – тип белдергән егеттең туғаны.
Илгизде полиция хеҙмәткәрҙәре тапҡан. Ул әле өйөндә, барыһы ла яҡшы. “Беҙгә ярҙам иткәндәрҙең барыһына ла рәхмәт!” – ти Илгиз Ҡунаҡҡужиндың ғаиләһе башҡаларҙың яҙмышына вайымһыҙ ҡала алмағандарға.
Фото: "Бәйләнештә".
