“Башҡортостан” гүзәле”

Мин – Дилара Хөсәйенова. Балаҡатай районының бәрәкәтле ерендә – Билән ауылында 1996 йылдың йәмле август айында донъяға килгәнмен. Миңә 23 йәш. Әле Өфө сауҙа һәм иҡтисад колледжын уңышлы тамамланым.

Бала саҡтан сәнғәткә, мәҙәниәткә ғашиҡмын. Халыҡ йырҙарын яратып башҡарам.

– Туған телендә һөйләшкән кешенең күңеле бай, рухы камил була, тип тәрбиәләнеләр мине. Башҡорт телен һәм мәҙәниәтен һөйөү төрлө бәйгеләрҙә уңышлы сығыш яһарға ярҙам итте. Республика кимәлендә уҙғарылған йыр конкурс­тарында лауреат исемдәрен яулауға өлгәштем.

Әлеге ваҡытта мине психология фәне ҡыҙыҡһындыра. Ошо өлкәгә ҡараған китаптарҙы яратып уҡыйым. Киләсәктә үҙемде шул юҫыҡта күрәм. Сетерекле хәлдә ҡалған кешеләргә ауырлыҡтарҙы еңергә, үҙҙәрендә ышаныс тойғоһо тыуҙырырға, тормоштарында бәхет асҡысы табырға ярҙам итеү – ҙур хыялым.

Бәйгелә һынау тотор өсөн тү­бәндәге талаптарҙы үтәү мөһим: милли колоритлы, матур, сифатлы фото­һүрәтегеҙ менән бергә үҙе­геҙҙең ҡайһы ҡала, район, төбәктә тыуып үҫеүегеҙ, яратҡан шөғө­лөгөҙ, ҡаҙаныш­тарығыҙ тураһында хат яҙып ебәрегеҙ.

Беҙҙең электрон адрес: bashkortostan.gazeta@mail.ru

1-се турҙа һылыуҡайҙар үҙҙәре менән таныштыра.

2-се турға сығыусылар интернет киңлектәрендә тауыш йыясаҡ.

Финалға үтеүселәрҙе абруйлы жюри ағзалары баһалаясаҡ. Интернет киңлектә­рендә иң күп тауыш йыйған ҡыҙ “Интернет һылыу­ҡайы” номинацияһында билдә­ләнәсәк.

Конкурсҡа декабрь айында йомғаҡ яһаласаҡ һәм фото­бәйгелә еңеүсе ҡыҙҙың фотоһы гәзит календарын биҙәйәсәк.