Учалы районының бер ауылында полиция законһыҙ һаҡланған мылтыҡ һәм уға йөҙ патронды тартып ала. Ҡорал ирҙең өйөндә мейес артында һаҡланған була.
Тикшереү мылтыҡтың төҙөк булыуын күрһәтә. Уның хужаһы: "Мәрхүм атайымдан ҡалған мылтыҡ ине", - тип аҡлана, әммә уны законһыҙ һаҡлағанын таный.
Әлеге мәлдә уға ҡарата енәйәт эше асылған һәм ғәйепләнеүсегә ауылдан сығып йөрөмәҫкә ҡушылған.
Фото: Эске эштәр министрлығының Башҡортостан буйынса идаралығы матбуғат хеҙмәте.