Фотоконкурс “Башҡортостан” гүзәле”: “Маҡсатым – ғаилә ҡороп, балалар үҫтереү”

Бәләкәй саҡтан уҡ йөрәгемдә бейеүгә ҡарата һөйөү хисе уянды. Мәктәп йылдарында халыҡ бейеүҙәрен бейеһәм, хәҙер үҙебеҙҙең уҡыу йортонда “Страдл” спорт-аэробика коллективында шөғөл­ләнәм. Коллектив менән төрлө ҙур сараларҙа ҡатнашып, призлы урындар­ға өлгәшеп торабыҙ, һуңғы тапҡыр ҙур сығыштар менән Сочи, Санкт-Петербург ҡалаларында йөрөп ҡайт­тыҡ. Шулай уҡ ҡурайҙа уйнарға, шиғырҙарҙы тасуири һөйләргә яратам. Буш ваҡытымды файҙалы үткәрергә тырышам: спорт менән шөғөлләнәм, китаптар уҡыйым, шашка уйнайым, бешеренәм. Тағы ла бер ҙур һөйө­үем – ул сәйәхәт итеү, үҙем өсөн яңынан-яңы матур урындар асыу. Быға тиклем тик үҙебеҙҙең илдәге ер-һыуҙы күрһәм, теләгем – донъя буйлап сәйәхәт ҡылыу. Маҡсатым – илемә, халҡыма кәрәкле кеше булыу, матур ғаилә ҡороп, лайыҡлы балалар үҫтереү. Ғүмерҙең һәр миҙгеле үҙенсәлекле, шуға ла тормоштоң тәмен тойоп йәшәү – үҙе бер бәхет тип һанайым.

Бәйгелә һынау тотор өсөн тү­бәндәге талаптарҙы үтәү мөһим: милли колоритлы, матур, сифатлы фото­һүрәтегеҙ менән бергә үҙе­геҙҙең ҡайһы ҡала, район, төбәктә тыуып үҫеүегеҙ, яратҡан шөғө­лөгөҙ, ҡаҙаныш­тарығыҙ тураһында хат яҙып ебәрегеҙ.

Беҙҙең электрон адрес:bashkortostan.gazeta@mail.ru

1-се турҙа һылыуҡайҙар үҙҙәре менән таныштыра.

2-се турға сығыусылар интернет киңлектәрендә тауыш йыясаҡ.

Финалға үтеүселәрҙе абруйлы жюри ағзалары баһалаясаҡ. Интернет киңлектә­рендә иң күп тауыш йыйған ҡыҙ “Интернет һылыу­ҡайы” номинацияһында билдә­ләнәсәк.

Конкурсҡа декабрь айында йомғаҡ яһаласаҡ һәм фото­бәйгелә еңеүсе ҡыҙҙың фотоһы гәзит календарын биҙәйәсәк.