Ҡаҙ өмәһе күрештерә, берләштерә

Күгәрсен районының Сәлих ауылында йәшәгән Рәфиә менән Шамил Сәлиховтар ҙа ошо көндәрҙә өмә үткәрҙе. Тырыш ғаилә йыл һайын күпләп ҡош-ҡорт аҫрай.

Ҡаҙ йолҡоуҙа ҙур тәжрибә туплаған ҡатын-ҡыҙ иртә менән ең һыҙғанып эшкә тотондо. Шаян һүҙҙәр, мәрәкәләшеүҙәр көн буйына тынманы. Ҡаҙҙарҙы йолҡоп, эшкәртеп, ағын һыуҙа йыуғас, табынға йыйылып, яңы иттән ауыҙ иттеләр, изге теләктәрен еткерҙеләр.

Әүәл-әүәлдән килгән күркәм йола – ҡаҙ өмәһе ауылдаштарҙы, күрше-күләнде, туғандарҙы күрештерә, берләштерә, күңелдәргә дәрт-дарман өҫтәй.

Фото: vk.com