+21 °С
Болотло
Йәмғиәт
27 Ноябрь 2020, 18:00
Белорет егетен был һүҙҙәр шаңҡытҡан...
"Аҡса түләмәһәң, беҙҙең аралағы мөнәсәбәтте барыһы ла беләсәк!"
25 йәшлек Белорет егете социаль селтәрҙә танышҡан ҡыҙҙың шантаж ҡорбаны була яҙған. Билдәһеҙ ҡыҙ сит кеше иҫәбенә байырға теләп, ошондай аҙымға барғандыр, күрәһең.
Башҡортостан буйынса Эске эштәр министрлығының матбуғат хеҙмәтендә әйтеүҙәренсә, егет социаль селтәрҙә матур ҡыҙ менән танышҡан. Һылыу яңы танышының иғтибарын тиҙ арала яулауға өлгәшкән, ышанысына ингән. Улар видеобәйләнеш аша һөйләшкән, аҙаҡ аралашыуҙары интим төҫ алған. Оҙаҡ та үтмәй, ҡыҙ ысын йөҙөн асып һалған: ул егеттән 10 мең һум аҡса таптырған, кире осраҡта, үҙҙәренең интим мөнәсәбәттәре тураһындағы мәғлүмәтте интернетта таратыу менән ҡурҡытҡан.
Ғашиҡ егет шаңҡып ҡалған. Был сетерекле осраҡ буйынса полицияға мөрәжәғәт итергә мәжбүр булған. Ҡурҡытып аҡса таптырыу факты буйынса енәйәт эше асылған.
Фото: kakprosto.ru
